Jæja helgin leið hjá og ég hafði það gott.. Ég fór í Svarfaðardal að spila Brús á föstudag og skemmti mér vel, gaman að rifja upp gamla takta í þessu magnaða spili.

Laugardagur var hressandi..frændsystkini mín voru með mér að velja afmælisgjafir fyrir 1 og 3ja ára afmæli sem við héldum síðan í síðar um daginn. Svaka stuð frameftir degi og jah það var rétt að byrja. Um kvöldið skellti ég mér í boð til Láru Sóleyjar og þaðan á þann merka stað Sjallann!! Og viti menn.. auðvitað voru börn þarna inni, meira segja 16 ára jeminn eini !! Reyndar var kannski ekki mikið um svona ungt fólk þar sem margir voru líka á mínum aldri, þannig að þetta var nú ekki svo slæmt - enda stendur Sálin fyrir sínu.

Mér tókst á einhvern undraverðan hátt að týna veskinu mínu án þess að hafa hugmynd um það (hmm annars hefði ég ekki týnt því ) En þegar ég uppgötvaði veskismissinn stoppaði tíminn smá stund því í voru húslyklarnir, síminn, visakortið - jah bara svona nauðsynjahlutir til að komast heim (sími,visa og lyklar) Nú var bara að krossa fingur, tölta niður í fatahengi og halda kúlinu og viti menn!! Einhver svakalega heiðarlegur dansari fann veskið mitt á dansgólfinu og skilaði því í fatahengið án þess að taka sér 100 kallana sem í því voru í fundarlaun jeminn hvað ég var glöð og þakka viðkomandi kærlega fyrir mig

Sunnudagurinn fór í svakalega fínt matarboð, þar sem maturinn var jah uþb 350.000 kr virði!! Já gott fólk á borðum var eðalsoðið grænmeti, kjúklingur og lax með kartöflugratíni og betty crocker súkkulaðikaka með fersku jarðarberjum og rjóma. mmmmm   Nú hugsið þið örugglega sem mig þekkið, oooo mæja hefur aldrei verið sterk í stærðfræðinni.. sénsinn að þessi matseðill kosti þessa summu af peningum!!

Nei satt er það, hráefnið var ekki dýrt en eðal-læknastálið sem hráefnið var eldað í kostaði skildinginn hehe ég var semsagt á kynningu á undrapottunum frá Salatmaster eða eitthvað svoleiðs híhí Svaka fín kynning og jú maturinn smakkast rosalega vel, öll næringarefni eiga að haldast betur úr þessum pottum en öðrum pottum.. hmm jú það er alveg ljóst en þeir kosta sitt þessir pottar. Persónulega væri ég alveg til í að eiga svona potta og pönnur þó aðallega grænmetiskvörnina híhi en svona marga hundraðþúsundkalla á ég ekki í pottasett, það verður að bíða betri tíma.

4 dagar í páskafrí....víííííí og vika í heimsókn á Höfn

Jámm upp er runninn föstudagur.... komin helgi eina ferðina enn. Ótrúlegt hvað tímanum líður og líka hvað það er alltaf nóg að gera - sem er gott.

Nú er kominn sá tími í skólaárinu að það eru endalaust einhverjir frídagar sem slíta allt í sundur og það getur verið þreytandi - sérstaklega ef maður veit ekki af því fyrirfram. T.d mætti ég til vinnu í gærmorgun en var snúið við þegar ég var rétt búin að labba 2 skref inn í skólann því það væri engin kennsla og við erum því að tala um að það gleymist að láta vita sem þýddi að ég var vöknuð fyrir allar aldir til einskis.. eða komin á ról of snemma - arg!!! Hver hefði ekki viljað dorma aðeins lengur, lesa blaðið í rólegheitum í náttfötum og  með góðan kaffibolla í stað þess að dúndrast út í ekki neitt?! jæja ég varð ekkert brjáluð svosum en það er samt þreytandi að vita ekki fyrirfram svona hluti og hana nú!

Var göbbuð í dómarahlutverk í gær í söngvakeppni MA með 45 mín fyrirvara ég hljóp í skarðið þar sem dómarar komust ekki norður vegna veðurs...- flott keppni hjá krökkunum og fullt af hæfileikaríku fólki sem gerði dómgæslu erfiða.. úff það er gaman að standa í þessu en líka erfitt.. en ég vona að fólk sé ánægt með úrslit okkar dómnefndar auðvitað verða aldrei allir sáttir en tja við krossum fingur fyrir MA í aðalkeppninni !!

Helgin stefnir í matarboð, kannski eitthvað tjútt og góðan dag með frændsystkinum mínum, afmæli og heimsókn í dalinn!! Semsagt, góð helgi framundan og nóg að gera híhíhí

 Góða helgi allir sem einn og munið að brosa framan í heiminn

komin í hversdagsleikann á ný.. ferðin gekk ljómandi vel norður, glampandi sólskin alla leið. Hefði helst viljað vera á skíðum í allan dag enda hrópar fjallið á mig núna og ég er að fara drífa í að versla kortið í vikunni og sjúbbast eins mikið og hægt er til vors!

Nú er sólin farin að skína svo mikið og þá vil ég helst vera úti alla daga og sjúbbast niður snævi þaktar brekkur... fara síðan í sund á eftir og borða góðan mat þar á eftir!! Er ég nautnaseggur?? jámm það held ég.. og finnst það gaman.

Um helgina er ég að hugsa um að rifja upp spilataktana í brús og skella mér í Svarfaðardalinn kæra og spila.. þó ekki sem liðsmaður í heimsmeistarakeppninni, held ég, bara svona í æfingaspil stíga síðan jafnvel svarfdælskan mars á eftir... ég hef aldrei verið á þessum viðburðum áður vegna anna en nú sé ég fram á lausan tíma - og þá er ekki eftir neinu að bíða!!

Styttist dásamlega mikið í páskafrí sem þýðir að skólinn fer bara alveg að verða búinn sem þýðir að það styttist ótrúlega mikið í sumarið sem þýðir að það styttist í hótelstjóradjobbið og ég hlakka mjög til...

Jámm vetur konungur ræður ríkjum í borginni og mér finnst það gaman. Kalt en bara huggulegt, vonast nú samt til að komast klakklaust norður á morgun án þess að lenda í miklum torfærum á leiðinni

Annars hefur borgardvölin verið góð, heimsóknir, skrepp á kaffihús og bara slakað á. Fermingarveisla á morgun og kræsingar Var eimitt með snilldartakta áðan í samsetningu á kransaköku fyrir veisluna - hún er alveg glæsileg!!

Ég droppaði inn í tvö af musterum mammons hér í borg og stóðst allar freistingar þar inni og keypti ekki neitt - hef staðið mig vel í að spara þar... ástæðan er reyndar sú að ég fann bara ekkert til að kaupa og ég er búin að finna lausn á vandanum. Hana er að finna á erlendri grundu... já ég bara VERÐ að fara skreppa eitthvað erlendis til að endurnýja aðeins fataskápinn - jeminn hvað ég væri til í það

Gott að láta sig dreyma...

Hér á Eyrinni gengur lífið sinn vanagang.. vinna og skóli oþh. Við Christian ætlum að bruna í borgina á morgun til að mæta hress í fermingu um helgina - hann að fara í fermingarmyndatöku með systrum sínum og ég í kransakökupúsl með Siggu híhíhí

Elskulegur Pólóinn er í snyrtingu, hann lenti nefnilega í smá hnjaski um daginn, var bakkað á greyið litla og núna er verið að laga það. Keyri semsagt um á glænýjum bílaleigubíl þessa dagana sem er vissulega magnað en ég er ekki frá því að ég sakni Póló við höfum átt svo góðar stundir saman sko.

Jamm annars er allt hið rólegasta þannig lagað.. allt er eins og það á að vera held ég og jah það styttist í páskafrí hlakka til því þá tek ég flugið á Höfn og skoða mig um hehe já maður verður að kynna sér svæðið er það ekki?

já eða nokkuð rólegur.. það er nóg um að vera þrátt fyrir það.. er búin að taka rúnt og kaupa afmælisgjöf með Christian þar sem hann er á leið í afmæli. Svo er alveg spurning um að stíga dans með ryksugunni og jafnvel skúringamoppunnil líka, svei mér þá!

Helgin hefur annars verið mjöög róleg, videogláp og rólegheit. Nauðsynlegt af og til!! Það er fátt betra en að kúra upp í sófa í náttfötum með gott kaffi og góða bók eða mynd í sjónvarpinu- svona var það hjá mér

 Við Christian erum að fara á tónleika í kvöld með Óskari Péturs og bræðrum hans, Jónsa og fl.. það verður án efa stuð amk á minn maður ábyggilega eftir að skemmta sér

Svo er það bara næsta vinnuvika framundan... ótrúlega líður tíminn því það er alveg að koma páskafrí!! og þá verður skíðað upp á hvern einasta dag ef veður leyfir

Jámm það er semsagt allt í góðum gír hjá mér.. ég hef ekki fjárfest í rykgrímu þar sem ég held að við Akureyringar sleppum við það því menn eru á fullu að finna lausn á svifryksmálinu sem er gott mál því annað væri slæmt.

að lokum....

Láttu þér líða vel, þetta líf er til þess gert!!!

Akureyri, öll lífsins gæði?? ja ég spyr...  ef ég þarf nú að fara fjárfesta í rykgrímu til að geta tölt um göturnar.. þetta er vissulega alvarlegt mál eða eru það lífsgæði að fá asma og andarteppu?? ja maður spyr sig

 úff veit ekki.. það er nú frekar undarlegt að hugsa til þess að fólk flykkist í byko til að kaupa rykgrímur og labbi þaðan út með eina slíka fyrir vitum!! Sú sýn á meira heima í einhverjum sjónvarpsþætti eins og Jerico en ekki í raunveruleikanum.. erum við kannski bara aukaleikarar í svipuðum þætti??

 Jah þegar stórt er spurt er ekki mikið um svör...

Jæja loksins kom að því að ég skondraðist í fjallið og þvílík dásemd!!! Blússandi færi, glampandi sól og góða skapið ! Eitt vantar þó alltaf í Hlíðafjall til að magna upp stemmarann og það er tónlistin!! Fer ekki ofan af því að ef það væri spiluð tónlist við skíðaskálann uppi í strýtu þar sem fólkið myndi sitja úti í sólinni og borða nestið sitt - þá væri frábær stemmning td að hafa Helenu Eyjólfs með skíðaslagarann sinn.. suss það væri magnað!! Næstum eins og á skíðasvæðunum erlendis þar sem það er svo gargandi mikið stuð við hvern kofa að það hálfa væri nóg.. af hverju er það ekki hægt hér eins og þar? Nú er ég ekkert að tala um að það þurfi að vera vínveitingar ( þó það væri nú ljúft að fá sér gott "skíðakakó" ) en það myndi gera svo mikið fyrir staðinn að hafa tónlist!!

Nú þar sem ég er svo tónlistarlega sinnuð, fór ég á sinfóníutónleika í dag sem var æði.. Lára Sóley vinkona mín með einleik á fiðluna sína og stóð sig svona líka vel

Nú er bara að tækla vikuna, morgundagurinn verður busy.. kenna, fljúga suður á fund, fljúga norður með síðustu vél og klára dagsverkin hér.. hef ég ekkert að gera?? hmmm jú held obbolítið en það er gaman.

Já og ef það er einhver sem þekki kokk sem  vantar skemmtilega vinnu í sumar - látið mig vita því ég þarf að ráða einn!!

OG svona rétt í lokin, bara af því að ég var að tala um kokk, datt mér í hug að benda fólki á að prófa saltfiskpizzuna frá Ekta- fiski því hún er aaaaaalgjör snilld!!! Fæst í helstu búðum landans held ég. En svona pizza með sweet chili sauce er barasta snilld!! Allir að prufa...

 Annars bara góða nótt lömbin mín

Já sannarlega tek ég því rólega þessa dagana.. amk þessa helgina hef ég verið heima hjá mér og gert nákvæmlega ekki neitt - engir skandalar og ekki neitt - held ég amk.. eða jú kannski einn þar sem ég átti að vera á einum stað í dag en .... var upptekin og sleppti því!! Kannski má flokka það undir skandal enda scandali hér á ferð híhí....

Sumarið verður alltaf meira og meira tilhlökkunarefni hjá mér - fer allt að skýrast með nýja djobbið.. jájá hætti við að vera í fríi í sumar híhíhí tek eitt sumar enn í hótelbransanum en ekki á AK heldur á Höfn í Hornafirði !! Jebbs mín er komin í útlegð í sumar.. en endilega droppið við á Hótel Eddu Nesjaskóla í sumar - þar verða góðar móttökur

 Nú verð ég að fara drífa mig í fjallið - gengur ekki lengur þetta slen!! Í rauninni er hálf kjánalegt að hafa ekki farið neitt í fjallið síðan ég kom heim frá madonna því nægur er snjórinn!! bara eitthvað svo mikið að gera þessa dagana.. páskafríið er eftir samt hehe

Annars ekkert stress, bara hress og bless bless